OBRADOIRO FOTOGRAFÍA CREATIVA E ANIMACIÓN 3D: LUZ

Soldado ruso tocando un piano abandonado en Chechenia(1994)

Hai imaxes que gardan a historia, imaxes crúas ou esperanzadoras, instantes dun tempo que marchou ou que nunca quixo irse. Escollín esta para vos. Transmíteme unha esperanza dentro da guerra. Un piano só, maltratado e triste que por un intre volve a ter vida, volve ser agarimado, volve falar. Que melodía estará a tocar este estraño pianista?
E como actividade propoño o seguinte: 
Buscade imaxes históricas que vos impacten e compartídeas con todos e todas nós, respondendo ao porqué de tal impacto.

E imos cun par de ligazóns.

Primeiro déixovos unha do curso “Un año de fotografía” organizado por CAMON e coordinado por un gran profesional da fotografía: José Benito Ruiz. Esta é a sesión “Entender la luz” onde nos falan da luz e as súas cualidades.

Sei que é un vídeo longo, pero merece da pena. Todo o curso merece a pena.

https://www.youtube.com/watch?v=fgC9KshvsJ8

Segundo. Da man da canle de youtube “Experimentos Caseros”, aquí tedes un pequeno tutorial básico de ligth painting. Unha técnica moi divertida, e máis antiga do que parece, coa que podedes experimentar.

https://www.youtube.com/watch?v=XIvzqCd6SqA

Continuara...