Moi boas a todas e todos.
Xa vimos a importancia do vestiario, como nos condiciona
poñernos unha perruca, un traxe, vestido ou complemento. Como troca
o noso rol, a nosa forma de camiñar ou comportarnos. Aquí un
pequeno vídeo da importancia do vestiario e como se traballa para
que sume ao espectáculo segundo as súas necesidades.
Como segundo enlace, déixovos estes apuntes sobre o
noso espazo de traballo nas Artes Escénicas. Neles tendes esquemas,
debuxos e diagramas das partes que compoñen un Teatro á italiana. A
información é bastante completa, así que, a familiarizarse coa
nomenclatura teatral.
E
por último, unha pequena parte de “Las Troyanas” de Euripides,
unha montaxe de Mario Gas. Aquí podedes ver á personaxe de Hécuba
interpretada pola actriz Gloria
Muñoz. Troianas é unha traxedia grega, un texto representado no 415
a.c.
Que
observades nel? Na escenografía, no vestiario, e por suposto na
interpretación. Comentade, comentade.
E
por suposto se queredes recomendar algunha obra de teatro que virades
ou lerades, non dubidedes en facelo.
